ငါဟာ ဗုံးတစ်လုံးဖြစ်တယ်
ဘာကြောင့်မှန်း မသိဘဲ သူတို့က ငါ့ကို အဲဒီလိုပြောကြပြီး
အဲဒီနောက်မှာ ငါဟာ ဗုံးတစ်လုံးဖြစ်လာတာပဲ
ငါ ငှက်တွေကို ချစ်ပြီး
တီကောင်တွေက ငါ့ကိုချစ်တယ်
ငါ မြတ်နိုးတာကတော့ ယုန်ဖြူလေးပေါ့
ငါဟာ ဗုံးတစ်လုံးဖြစ်လို့
ငါ ယုန်ဖြူလေးကို ကြောက်တယ်
ငါ ပေါက်ကွဲသွားလိမ့်မယ်
ဒါနဲ့ပဲ ငါဟာ ငါ့ကိုချစ်တဲ့ တီကောင်တွေ
ငါ ချစ်တဲ့ ငှက်တွေနဲ့
ငါ မြတ်နိုးတဲ့ ယုန်ဖြူလေးနဲ့လွတ်ရာ
ဘုရားကြားထဲမှာ ပုန်းနေခဲ့တယ်
ဒါဟာ ဇာတ်လမ်းရဲ့ပထမပိုင်းဖြစ်ပြီး
ဇာတ်လမ်းရဲ့ပထမပိုင်းဟာ ဖြစ်ခဲ့ပြီးပြီဖြစ်တယ်
အမည်မဖော်လိုတဲ့တစ်နေ့တော့ ငါဟာ ပေါက်ကွဲခဲ့ပြီး
ဘုရားဟာ ဘုရားဖြစ်ခဲ့ဖူးတဲ့ အုတ်ပုံဖြစ်သွားခဲ့တယ်
သူတို့တွေက တစ်ခြားတစ်ယောက်ယောက် ဘုရားမှာ ဗုံးခွဲခဲ့တဲ့အကြောင်း ဒေါသတကြီးပြောကြတယ်
ဗုဒ္ဓဟာ ပြတ်နေတဲ့ ခေါင်းဆီကနေ ငါ့ကို တည်ကြည်စွာ ပြုံးနေတယ်
ငါကတော့ ပေါက်ကွဲသွားပြီပြီဖြစ်လို့
အန္တရာယ်ကင်းကင်းနဲ့ ယုန်ဖြူလေးဆီပြန်လာခဲ့တယ်
ဒါဟာ ဇာတ်လမ်းရဲ့ ပျော်စရာအကောင်းဆုံးအပိုင်းဖြစ်ပြီး
ပျော်စရာအကောင်းဆုံးအပိုင်းဟာ ငါ့မှတ်ဥာဏ်ကို နာကျင်စေတဲ့အပိုင်းဖြစ်တယ်
ဒါပေမဲ့ သူတို့ဟာ ငါ့ကို ပြန်ပြီးတပ်ဆင်လိုက်ကြတယ်
ဘယ်လိုနည်းနဲ့လဲဆိုတာ ငါမသိသလို
ငါ ပြန်ပြီး တပ်ဆင်ခံလိုက်ရတာကိုလဲ သူတို့မသိဘူး
ငါဟာ ကြောက်လန့်သွားတယ်
ငါဟာ အမည်မသိတဲ့အကြောင်းအရင်းကြောင့် ပိုကြီးလာတယ်
ငါဟာ ပိုပြီး အန္တရာယ်များလာတယ်
ဒါနဲ့ ငါ ထွက်ပြေးပြန်ရတော့တယ်
ငါ လူတွေ ကြားထဲမှာ ကိုယ်ယောင်ဖျောက်တယ်
ယုန်ဖြူလေးရဲ့ မျက်လုံးတွေဆီက ခေါ်သံကို
ငါ့ မျက်ရည်တွေက ခံတိုက်ခဲ့တယ်
နာကျင်မှုဟာ တဆတ်ဆတ် ခါနေတဲ့ သစ်ရွက်၊ သစ်ကိုင်းတွေကို တောင့်ခံထားရတဲ့ သစ်ပင်ဖြစ်တယ်
ငါ အန္တရာယ်များတယ် ငါ ကြောက်တယ်
ငါ ပုန်းတယ် ငါ ပိုကြီးလာတယ်
တစ်နေ့တော့ သူတို့ ဖြစ်စေချင်တဲ့ တစ်နေ့တော့
ငါဟာ ပေါက်ကွဲသွားတယ်
သူတို့ သေစေချင်တဲ့ သူတွေရော မသေစေချင်တဲ့သူတွေပါ သေတယ်
သေခြင်းက ပေါက္ခရ၀ဿမိုးမဟုတ်ဘူး
အသက်ရှင်နေခြင်းက ငါတို့ ဖန်တီးထားတဲ့တိမ်တိုက်အတုတွေ
ငါ ဘယ်သူ့ကိုမှ မသေစေချင်ခဲ့ဘူး
ဒါပေမဲ့ အားလုံး ငါ့ကြောင့်သေတယ်
ဒါဟာ ဇာတ်လမ်းတစ်ခုလုံးဖြစ်တယ်
ဇာတ်လမ်းတစ်ခုလုံးဟာ သူတို့အတွက်အဖြေဖြစ်တယ်
ငါ တဆတ်ဆတ်ခါနေတာကို တောင့်ခံထားတယ်
သူတို့တွေဟာ ဒေါသဖြစ်ဖို့ သတိမရခင်မှာ ပူဆွေးမှုကို ဘုရားလို ကိုးကွယ်ကြတယ်
ပြီးတော့မှ ဒေါသဟာ တစ်ဆူပွင့်တယ်
ငါ အလောင်းကောင်တွေထဲမှာ မတ်တပ်ရပ်နေတယ်
လေဟာ ငါ့အသက်ရူခြင်းကို အနံ့ခံနေတယ်
ခြေသံစကြားရတယ် သဲ့ သဲ့
ငါ့ မျက်လုံးကို မှိတ်ထားလိုက်တယ်
မသိရခြင်းဟာ အနာကျင်ရဆုံးပဲ
ငါ လက်ညိုးတွေအများကြီးထဲကို မှောက်လျက်လဲခဲ့တယ်
သဲ့ သဲ့ ဟာ ပီသ လာပြီး
ပီသဟာ ကျယ်လောင်လာပြီး
ကျယ်လောင်ဟာ အနားမှာရပ်သွားတယ်
ငါမျက်လုံးဖွင့်တော့
ဖြူ
ဖြူ ဖြူ
ယုန်ဖြူလေးရယ်
မင်းက ဒီမှာကိုး မစ္စတာပန်းပွင့်လေးရဲ့တဲ့
သူက ငါ့ကို ပြောခဲ့တယ်
ဒါဟာ ဇာတ်လမ်းမှာ မပါဝင်ခဲ့တဲ့အပိုင်းဖြစ်တယ်
ဇာတ်လမ်းမှာမပါဝင်ခဲ့တဲ့အပိုင်းဟာ သဲ့ သဲ့ နောက်ပိုင်းမှာ ပြတ်တောက်သွားတယ်
ပြတ်တောက်သွားတဲ့အပိုင်းဟာ ဇာတ်လမ်းပြီးဆုံးခါနီးမှာမှ Play-back ပြန်လည်ရောက်ရှိလာလိမ့်မယ်
အကြောင်းကတော့ ဒါဟာ ဇာတ်လမ်းဖြစ်လို့ပဲ
ဇာတ်လမ်းဟာ ၀မ်းနည်းစရာကောင်းတယ်
ငါ ယုန်ဖြူလေးကို ထွက်ပြေးဖို့ ပြောခဲ့တယ်
သဲ့ သဲ့ မဟုတ်တဲ့ ခြေသံတွေဟာ ငါ့ဆီကို အပြင်းလာနေပြီး
အဲဒီ ခြေသံတွေရဲ့အဓိပ္ပါယ်ဟာ ဘာဖြစ်မလဲဆိုတာကိုလည်း ငါသဘောပေါက်ခဲ့တယ်
ငါ ယုန်ဖြူလေးကို ဒိုင်ယာလော့ခ်တွေ အများကြီးပြောခဲ့တယ်
ယုန်ဖြူလေးဟာ အငြင်းစကားလုံးကိုပဲ အထပ်ထပ်ပြန်ဆိုတယ်
ငါ့ရဲ့ဝမ်းနည်းမှုဟာ ငါ့ဆီကနေ ထွက်သွားပြီး
ဟိုးအဝေးကို ပြေးထွက်သွားပြီး
မြက်ခင်းရိုင်းတွေထဲမှာ လက်ဖြန့်လို့လျှောက်ပြေးနေပြီး
စမ်းချောင်းတွေထဲကို ခဏခဏခုန်ချနေပြီး
သစ်ပင်တွေကြားက နေရောင်ကို ချောင်းကြည့်နေပြီး
အပျင်းထူနေတဲ့ သစ်ရွက်တွေအပေါ်မှာ လှဲအိပ်နေပြီး
စာအုပ်ထဲက ပင်ဂွင်းတွေအကြောင်း ကလေးတွေကို ဖတ်ပြနေပြီး
ငါ့ရဲ့ဝမ်းနည်းမှုဟာ ငါ့ဆီကို ပျော်ပျော်ကြီးပြန်လာခဲ့တယ်
ငါ ဘယ်လိုဒိုင်ယာလော့ခ်တွေ ဆက်ပြောခဲ့သလဲ
ဂွတ်ဘိုင် မစ္စတာပန်းပွင့်လေးလို့
ယုန်ဖြူလေးရဲ့နောက်ကျောလေးက ပြောသွားတယ်
ယုန်ဖြူလေးရဲ့ နှုတ်ဆက်စကားကတော့ င့ါကို ကျောခိုင်းသွားခဲ့ပြီ
လေဟာ အသက်ရှုခြင်းကို ဆက်မရှာတော့ဘဲ လက်ဖျောက်တီးလို့ ပြန်ထွက်သွားခဲ့တယ်
ဇာတ်လမ်းရဲ့ အချုပ်ဟာ အခုမှ ရောက်လာခဲ့တယ်
ကြိုးကွင်းထဲကနေ နေမင်းကို အနီးကပ်ဖြတ်ရိုက်ပြလိုက်တယ်
ငါ ရပ်နေတဲ့ ကြမ်းခင်းကို ငါ မကြည့်ဖြစ်အောင်နေတယ်
ငါဟာ ဗုံးတစ်လုံးဖြစ်တယ်လို့ သူတို့က အော်ဟစ်တယ်
သူတို့ အော်ဟစ်နေတဲ့အသံတွေ ကြားထဲက
မင်းဟာ ဗုံးတစ်လုံး မဟုတ်ဘူး မစ္စတာပန်းပွင့်လေးဆိုတဲ့အသံလေးထွက်လာတယ်
ဟုတ်တာပေါ့
ဒီအချိန်မှာ အားလုံးကို ဆိုင်းလန့်လုပ်ထားလိုက်တယ်
အဲဒီအသံလေးက ငါ့ကို တစ်ခုခုပြောချင်နေတယ်
ငါ့ရဲ့ ၀မ်းနည်းမှုဟာ အဲဒီအသံလေးကို ဘာပြန်ပြောရမလဲ
အပြစ်ရှိတယ်ဆိုတဲ့အသံတွေက ရုတ်ချည်းပြန်ပေါ်လာတယ်
ဇာတ်လမ်းဟာ ဆုံးပြီ
သူတို့က နောက်ဆုံးစကား ဘာပြောချင်သလဲလို့မေးတယ်
ငါဟာ ဗုံးတစ်လုံးအဖြစ် ကွပ်မျက်ခံရတဲ့ ပန်းပွင့်တစ်ပွင့်ဖြစ်တယ်လို့ ငါပြောလိုက်တယ်
သူတို့ဟာ ငါ့စကားကို နားမထောင်ကြပါဘူး
ငါ့ စကားတစ်ဝက်မှာပဲ ကြမ်းပြင်ဟာ ပြုတ်ကျသွားတယ်
ငှက်တွေဟာ ထပြန်သွားတယ်
သူတို့တွေဟာ ထအော်ကြတယ်
ငါ့စကားကို ငါ့ဝမ်းနည်းမှုက ဆုံးအောင်ဆက်ပြောပြီး သယ်ဆောင်သွားတယ်
ပြီးပါပြီဆိုတဲ့စာတမ်းအပြီးမှာ
ထိုးတက်လာတဲ့ ဇာတ်ကောင်တွေထဲ ငါဟာ ပါမလာခဲ့ဘူး
ငါ့ဝမ်းနည်းမှုကတော့ ဇာတ်မြှုပ်ပျောက်ကွယ်သွားခဲ့တယ်
ငါ့အသက်ရှုခြင်းကို ရှာဖွေခဲ့တဲ့လေက ငါ့ဝမ်းနည်းမှုကို နှစ်ပေါင်းများစွာအကြာမှာ ပြန်တွေ့ခဲ့တယ်
ငါ့ဝမ်းနည်းမှုဟာ သူ့ဘာသာဝမ်းနည်းလို့နေခဲ့တယ်
ငါ့ ၀မ်းနည်းမှုက စကားတစ်ခွန်းဆိုခဲ့တယ်
အဲဒီစကားဟာ ငါမသိခဲ့တဲ့အကြောင်းအရာတစ်ခုဖြစ်တယ်
လေဟာ အဲဒီစကားကို သယ်ဆောင်မသွားနိုင်ကြောင်း ငြင်းဆန်ပြီး
ငါ့ ၀မ်းနည်းမှုက ဘယ်သူမှ ဘာမှမတတ်နိုင်ဘူးလို့ ပြန်ပြောခဲ့တယ်
လေဟာ ငါ့ဝမ်းနည်းမှုဆီကနေ ထွက်ခွာလာတဲ့အခါ သူ့ဘာသာဝမ်းနည်းလာခဲ့တယ်
ဒါနဲ့ပဲ တောင်တွေကို တိုးမိတဲ့အခါ အဲဒီစကားကိုပြန်ပြောတယ်
ပင်လယ်ကို ဖြတ်မိတဲ့အခါ အဲဒီစကားကိုပြန်ပြောတယ်
တိမ်တိုက်ကိုတွန်းမိတဲ့အခါ အဲဒီစကားကိုပြန်ပြောတယ်
တောအုပ်ကို ကျော်မိတဲ့အခါ အဲဒီစကားကိုပြန်ပြောတယ်
''ယုန်ဖြူလေးဟာ ဗုံးတစ်လုံးဖြစ်သွားခဲ့ပြီ''တဲ့။
ညီမိုးဆွေ
No comments:
Post a Comment