အန်တီ ။ ဇာတ်လမ်း ။ ( အာခီယာ )

(အာခီယာ)

 

 

အလန့်တကြားသတိရလွမ်းဆွတ်မှုတွေဟာ ဘာတွေကို သယ်ဆောင်လာခဲ့သလဲ။ ဘဝရဲ့ကန့်သတ်ထားခြင်း
ခံထားရမှုတွေမှာ ကျွန်တော်အဆန်းတကြယ် ငေးငေးကြည့်မိနေတဲ့ ညနေခင်းတွေ။ ညခင်းတွေ။ မီးရောင်စုံ
တွေ။ ပန်းစည်းတွေ။ ပြီးတော့။ ကျွန်တော်သိမ်ငယ်နေမိခဲ့ရတဲ့ အချို့သောမြင်ကွင်းတွေ။ အမှောင်ချထားတဲ့
အခန်းထောင့်ဟာ ကျွန်တော်မသောက်ချင်တဲ့ဆေးလုံးတွေနဲ့အတူ ကျွန်တော် တိုးတိုးဖွဖွခေါ်နေရတဲ့အန်တီနဲ
့ အတူ ၂၀၁၃ကို ပြန်ရောက်သွားတယ်။ အန်တီ့ကို ကျွန်တော်ချစ်တယ်။ အန်တီရယ် ချစ်ခြင်းမေတ္တာဆိုတာ
အန်တီ ကြိုက်လောက်မဲ့သီချင်းမျိုးကို အန်တီမသိအောင် ခိုးခိုးပြီးဆိုနေရတာကို ခေါ်မလား။ အန်တီမသိနိုင်
လောက်တဲ့ထောင့်ကနေ အန်တီ့မျက်လုံးရီဝေတွေကို ခိုးခိုးကြည့်နေရတာကို ခေါ်မလား။ အန်တီ့ကို
ကျွန်တော် ချစ်တယ်။ (ဟင်)အဲ့ဒီစကားဟာ တို့ဝိုင်းမှာ အဖော်လာထိုင်ပေးလို့ရမလားဆိုတဲ့ မေးခွန်းမှာဘယ်
လို အ သွားပါလိမ့်။ ကံကြမ္မာက အန်တီ့ပခုံးထက် ကျွန်တော့်ကို ကောက်တင်ပေးခဲ့တဲ့ အခိုက်အတန့်ပေါ့ ။
ကျွန်တော် ဟာ သာမန်အဆိုရှင်တစ်ဦးပါ။ အလုပ်သဘောထက်ပိုတဲ့ဆက်ဆံမှုမျိုးကိုများ ကျွန်တော်ကမ်းလှမ်း
မိခဲ့သလား။ အန်တီဟာ ကျွန်တော့်ကို အရမ်းနွေးထွေးတယ်။ တစ်စုံတစ်ခုကို ပုံပြီးယုံမှားပစ်လို့ရနိုင်လောက်
တဲ့အခြေအနေတွေကို စနစ်တကျပေးတယ်။ ကျွန်တော့်စိတ်ကူးတွေဟာ မကြာခဏ ရှက်သွေးဖြာတယ်။
အန်တီဟာ ကျွန်တော့်ဘဝထဲမှာ တစ်နေ့တစ်ခြား ကြီးထွားလို့လာခဲ့တယ်။ ကျွန်တော့်ရူးသွပ်မှုတွေဟာ
သွပ်သွပ်ခါ အောင် ထပ်များရူးသွားမလား။ ကမ္ဘာကြီးဟာ ချာချာလည်နေခဲ့တယ်။ အန်တီ ကျွန်တော့်ကို
ညစာအတူစားဖို့ ဖိတ်တယ် နော်။ ကျွန်တော်အရမ်းပျော်ခဲ့တယ်။ ပျော်ရွှင်မှုဆိုတာ ချစ်ရတဲ့သူနဲ့အတူ ဘာညာ။
ကျွန်တော် လျှောက်အော်တတ်ခဲ့နေခဲ့ပြီ။ မင်းကို တို့ချစ်တယ်။ သာမန်ယောက်ျားလေး တစ်ယောက်ထက်ကို
ပိုချစ်တယ်။ ကျွန်တော် ဘယ်လိုများပြန်ပြောရပါ့မလဲ။ အန်တီ့ကို ကျွန်တော်ချစ်တယ်။အန်တီကျေနပ်သွားသလိုပဲ။
ကျွန်တော့်လက်ဖျား လေးကို လာကိုင်တယ်။ ဘယ်လိုအင်အားမျိုးနဲ့ ကျွန်တော်ရုန်းထွက်ရပါ့မလဲ။ ပျော်ရွှင်မှု
ဘာညာ။ ကျွန်တော်အရမ်းကြည်နူးတယ်။ ကျွန်တော်မသိတော့ဘူး။ အန် တီဟာ အဲ့ဒီညက ကျွန်တော့်ကို
ဘီယာတွေတိုက်တယ်။ ကျွန်တော်မသောက်ဖူးပေမဲ့ အန်တီကျေနပ်အောင် အတူလိုက်သောက်ပေးတယ်။
ကျွန်တော်အရမ်းမူးတယ်။ အန်တီဟာ ကျွန်တော့်ကို တစ်နေရာရာဆီသို့ ခေါ်ဆောင်သွားတယ်။ ကျွန်တော်
ခိုးခိုးကြည့်ခဲ့ရတဲ့ အန်တီရဲ့ရီဝေမျက်လုံးတွေကို အနီးကပ်မြင်ခွင့်ရခဲ့တယ်။ အန်တီ့ကို ကျွန်တော်အရမ်းချစ်
တာ သိထားပေးပါ။ လို့ ပြောခဲ့တာကို ကျွန်တော် နောက်ဆုံးအနေနဲ့ မှတ်မိတာပဲ။ အန်တီ ဟာ ကျွန်တော့်ရဲ့
လူပျိုရည်ဘဝလေးကို ကျွန်တော်မသိပဲ ရယူသွားတယ်။ ဝမ်းမနည်းပေမဲ့ ကျွန်တော် မျက်ရည်ကျတယ်။
အန်တီ့ပခုံးပေါ် မှာ ငိုတယ်။ အန်တီဟာ ကျွန်တော့်ကို ချော့တယ်။ ကိုယ်ချစ်ရတဲ့သူဆီမှာ လူပျိုရည်ပျက်ခဲ့တဲ့
အတွက် နောင်တမရဘူးလို့ ကျွန်တော်ပြောလိုက်တယ်။ နှစ်ယောက်တစ်အိပ်မက်တွေ ဘာညာ ၊ ပျားရည်
ဆမ်းခရီးတွေ နဲ့ မင်္ဂလာဆောင်အကြီးကြီးတွေ ဘာညာ ကျွန်တော် စိတ်ကူးယဉ်တယ်။ အန်တီဟာ
ကျွန်တော့်ဆီမှာ ခဏခဏလိင်အပန်းဖြေတယ်။ ကျွန်တော့်ရဲ့အနာဂါတ်စိတ်ကူးတွေကို ချွေးတွေ
သုပ်ပြီး နားထောင်တယ်။ ကျွန်တော်ပျော်တယ်။ အောင်မြင်ပျော်ရွှင်တဲ့ဖခင်တစ်ယောက်ဖြစ်စေရပါ့မယ်။
လို့ ကျွန်တော် အန်တီ့ကို ကတိပေးတယ်။ အန်တီပြုံးတယ်။ အန်တီဟာ ကျွန်တော့်ကို ခရီးအရှည်ကြီးတွေ
ခဏခဏခေါ်တယ်။ ကျွန်တော့်စိတ်ကူးယဉ်ခရီးလမ်းလေးကိုတော့ မသိချင်ယောင်ဆောင်တယ်။
ကျွန်တော်နာတယ်။ ဒါပေမဲ့ မနာကျင်သလို ပြောတယ်။ တစ်ရက် ကျွန်တော့်ဆီမှာ ကိုယ်ဝန်ရှိနေပြီလို့
အန်တီ့ကို ပြောတယ်။ မြန်မာကားထဲကလို အန်ဖတ်တွေထွက်မလာပဲ တို့ဆီမှာယောက်ျားရှိတယ် ဆို
ပြီး ထွက်လာတယ်။ ကျွန်တော်ရဲ့ပုံအပ်မှုတွေဟာ မျက်နှာအငယ်ငယ်နဲ့။ အရာရာဟာ စနစ်တကျပျက်
ယွင်းဖို့သင့်ခဲ့ပြီဖြစ်မှန်း ကျွန်တော်နောက်ကျမှ သိခဲ့ရတယ်။ အန်တီသိပ်ရက်စက်တယ်နော်။
ဘယ်အပ်ဖျားကလေးနဲ့ထောက်မှ ကျွန်တော့်ကိုယ်ဝန်လေးဟာ ပေါက်ကွဲသွားမှာလဲဟင်။
ကျွန်တော့်ရဲ့ လူပျိုရည်တွေကို ဘယ်လိပ်ပြာကို စုပ်ခိုင်းမှ ပြန်ထွက်လာမှာလဲ။
ဒါပေမဲ့ ကျွန်တော်ဝမ်းမနည်းခဲ့သလို အန်တီဟာ လည်း ကျွန်တော်ရှိတဲ့ဆိုင်ကို မလာတော့ဘူး။
တွေ့နေကြနေရာကိုလည်း မလာတော့ဘူး။ ဘယ်ဆက်သွယ်ရေးဆီသွားပြီး အန်တီ နဲ့ ကျွန်တော်နဲ့ကို
ဆက်သွယ်ခိုင်းရမလဲ။ ညတွေဟာ အရမ်းကို အေးစက်တာပဲ။ အန်တီနဲ့အတူ ရှိခဲ့တဲ့ ဆောင်းညတွေဟာ
တစ်ယောက်တည်းဆို သိပ်ချမ်းတာပဲ။ လို့ ဗိုက်ကလေးကို ပွတ်ပွတ်ပြီး ကျွန်တော် ညည်းမိပြန်တယ်
အန်တီ။ရင်သွေးလေးမွေးလာခဲ့လို့ သားမေမေက ဘယ်သူလဲလို့မေးရင် ကျွန်တော် ဘယ်လို လိမ်ဖြေရမလဲ။
လူတွေရဲ့မျက်လုံးတွေကို ဒီအချိန်မှာ ပထမဦးဆုံး တူးတူးခါးခါးမုန်းမိတာပဲ။ ဘဝမှာ လိုအပ်နေတဲ့အရာ
မှန်သမျှထက်စာရင် လိုအပ်တာထက်ကိုပိုပြီးတော့ အန်တီ့ကို အလိုရှိခဲ့တာ။ မိသားစုဘဝလေးတစ်ခုကို
အတူတူတည်ထောင်ချင်ခဲ့တာ။ အန်တီရဲ့အပေါ်ယံလိမ်ညာမှုတွေကို မသိသလို ကိုယ့်ကိုယ်ကိုယ်
ဆွဲလို့နှစ်ခဲ့မိတာ။ ကျွန်တော်ကုတ်ခြစ်ခဲ့ရသမျှ နံရံပေါ်ကနာမည်တွေဟာ အန်တီ့နာမည်တစ်လုံးပဲ
ဖြစ်ခဲ့တာ။ မူးလဲသွားခဲ့တဲ့ ခဏခဏတိုင်းမှာလည်း အန်တီ့နာမည်ကို အော်ခေါ်ရင်း နိုးထလာခဲ့တာ။
အန်တီဘယ်လိုများကြားနိုင်မှာလဲ။(တကယ်မဟုတ်ပါစေနဲ့)။မကြားနိုင်ပါဘူးဆိုပြီး အန်တီ့ကိုချစ်တယ်
အန်တီ့ကိုချစ်တယ်လို့ ရေပန်းအောက်မှာ ပြောရင်း မေ့မျောသွားခဲ့ပြီး အန်တီ့ရဲ့သွေးနာမည်လေး
ပျက်စပြုလာတာမြင်တော့မှ ရေပန်းကို အလန့်တကြားပိတ်မိခဲ့တာ။ ကျွန်တော်ဟာ အန်တီ့ကို
သိပ်ချစ်တယ်။ ဒါပေမဲ့ အန်တီဟာ ကျွန်တော့်ကို အစိမ်းရောင်အေးစက်မှုမျိုးတွေနဲ့ ထားသွားခဲ့ပြီ။
ဘယ်လေအေးစီးကြောင်းနဲ့ကျွန်တော်လိုက်ပြီးတော့ အန်တီ့ဆီမှာ လာနွေးထွေးလို့ရမလဲဟင်။
စွန့်ပစ်ခံခဲ့ရတဲ့ရှိရှိသမျှသံလိုက်တွေနဲ့ အန်တီ့ကို ဆွဲခေါ်ချင်တယ်။ (ရမလား)လို့ အချိန်အများစုမှာ
တွေးမိတယ်။ နောက်ဆုံးတစ်ခေါက်လောက် ကျွန်တော့်ဗိုက်လေးကို အန်တီဖွဖွလေး နမ်းပေး
နိုင်မလားဟင်။ ကျွန်တော် ကိုယ့်ဆံပင်ကိုယ်လည်း မီးတွေရှို့မိခဲ့သေးတာပဲ။ ကျွန်တော့်ကို
ချစ်တယ်မလားဟင်။ လိမ်ပြီးတော့ ကျွန်တော့်ကို ချစ်တယ်လို့ ပြန်ဖြေပေးပါဦးလား။
ငရဲချောက်ကမ်းပါးထဲကနေ ကျွန်တော့်ကို လာပြီးတော့ ဆယ်ယူပေးပါဦးလား။
ကျွန်တော်မငိုပါဘူး။ ဒါပေမဲ့ ငိုနေမိတယ်လေ။ ဖြစ်မလာသေးတဲ့ရင်သွေးလေးနဲ့ စကားတွေပြောမိတိုင်း
ကျွန်တော်ငိုနေမိတယ်နော်။ အန်တီကတော့ ရယ်ချင်ရယ်နေမှာပေါ့။





အာခီယာ