(နွေစကူး)
အိပ်မက်က လန့်နိုးတဲ့အချိန်မှာ ငါ့ရဲ့ကိုယ်ပိုင် နှစ်(၂၀) လောက်ဟာ သေနေပြီ
ငါ့နားစည်ဝမှာ ခြေရာတွေ အထပ်လိုက်နဲ့ အသံတုတွေ မွေးနေတယ် ငါဟာ အိပ်မက်ထဲမှာ ဇာတ်လမ်းတစ်ခုရဲ့ နောက်ခံတေးသွားဖြစ်နေပုံရတယ်။ (ဒီလိုနဲ့)
နှစ် (၂၀) လောက်ကြာတော့ ညီမလေးမြတ်နိုးကို ပြန်တွေ့တယ်။ တံခါးပိတ်ထားတဲ့
မြို့ထဲမှာ။ သူမ ဆံပင်တွေပေါ်မှာ တိမ်စလို အဖြူရောင်စက္ကူပန်းတွေ အဆုပ်လိုက်
အထွေးလိုက်နဲ့။ ချစ်စရာကောင်းနေတုန်းပဲ။ အဲ့ဒီအချိန်မှာ ၂၀၁၅ ခုနှစ်ဟာ အသက်
၅၀ နီးပါးလူတစ်ယောက် ဖြစ်နေပြီး မုတ်ဆိတ်ကျင်စွယ်တွေ
အညိုရောင်အရေပြားအတွန့်အကွေးတွေနဲ့။ အသံတွေကို ကြားဖို့ စိတ်ကို
ဟောင်းလောင်းပေါက်ထိုးဖွင့်နေပုံရတယ်။ စက္ကူမြင်းရုပ်ရဲ့ ခွာသံတွေ
တဟုန်းဟုန်းထလောင်သလိုအဖြစ်မျိုးနဲ့ ညီမလေးမြတ်နိုးဆီကို ၂၀၁၅ ခုနှစ်ဟာ
ပြန်ဝင်လာတယ်။ ညီမလေးကို သိပ်ချစ်တာပဲ လို့ မပြောဖြစ်ခဲ့မျှကို
ပြန်ပြောနေတယ်။ ပြီးတော့ သူ့လက်သည်းခွံပေါ်က အဖြူရောင်စက္ကူပန်းတွေကို
ခြွေချပြတယ်။ ညီမလေးမြတ်နိုးဟာ သူ့ရှေ့က ပင်လယ်ကြီးကို ငေးပြီးပြောတယ်
သူမပိုင်တဲ့လွန်ခဲ့တဲ့အနှစ်နှစ်ဆယ်ကို ရှင့်ရဲ့နောက်ထပ်အနှစ်နှစ်ဆယ်ဆီက
မေတ္တာတရားတွေ ခိုးပေးပါတဲ့။ ပြီးတော့။ လွန်ခဲ့တဲ့ အနှစ်နှစ်ဆယ်က ကျွန်မ
ကျခဲ့တဲ့မျက်ရည်တွေကို ဟိုးးရှေ့ကပင်လယ်ကြီးထဲ တစ်စစီချေမွပြီး
ပစ်ချပြပါတဲ့။ ပြီးတော့။ အဲ့ဒီပင်လယ်ကြီးဆီက လှိုင်းကြက်ခွပ်လေးတွေကို
လွန်ခဲ့တဲ့နှစ်နှစ်ဆယ်က ရှင့်ရင်ဘတ်မှာ ပြန်တပ်ထားပါတဲ့။ ပြီးတော့။
ရှင့်ရင်ခုန်သံတွေကို လွန်ခဲ့တဲ့အနှစ်နှစ်ဆယ်က ကျမရဲ့ချစ်ခြင်းမေတ္တာဆီ
လက်ဆောင်ပို့ပေးပါတဲ့။ ပြီးတော့။ လွန်ခဲ့တဲ့အနှစ်နှစ်ဆယ်က
ကျမရဲ့ချစ်ခြင်းမေတ္တာနဲ့ နောက်ထပ်အနှစ်နှစ်ဆယ်က ရှင့်ရဲ့ချစ်ခြင်းမေတ္တာကို
တွေ့ခွင့်ပေးလိုက်ပါတဲ့။ မြို့ပြရဲ့တံခါးတွေဟာ အကန်းမျက်လုံးလို
ဖွင့်လျှက်နဲ့။ ညီမလေးမြတ်နိုးရဲ့ စကားသံအဆုံးမှာ၂၀၁၅ ခုနှစ်နဲ့
သူ့လက်သည်းပေါ်က စက္ကူပန်းတွေဟာ သေအောင်ငိုတော့တာပါပဲ။ အင်္ကျီကော်လံအောက်မှာ
နှစ်ပေါင်းများစွာရပ်တည်လာတဲ့ ဂုတ်ပိုးသားဟာ ပြိုကျသေဆုံးသွားတယ်။
နှင်းငွေ့တွေဟာ သူငယ်အိမ်ဆီကို ပြေးဝင်ပြီးဆောင့်တယ်။ မအော်ဘဲ
မြည်နေကျအသံတွေဟာ စီးကရက်ပြာစလို ကြွေကျသွားတယ်။ ရုပ်မြင်သံကြားဆီကလာတဲ့
နုတ်ဆက်တေးသွားအဆုံးမှာ ညီမလေးမြတ်နိုးရဲ့ တံခါးပိတ်ထားတဲ့မြို့ဟာ ၂၀၁၅
ခုနှစ်ကို ကန်ထုတ်ပစ်လိုက်တော့တယ်။ အဝေးကြီးကို။
မှားတယ်
မှားတယ်
အရမ်းမှားတယ်
အသံတွေဟာ ခြစ်ခြစ်တောက်ပူလောင်နေတယ်။ ငါတို့အကြိမ်ကြိမ်ပြောခဲ့တဲ့ ချစ်ခြင်းမေတ္တာဟာ ငါ့မသိခြင်းမှာ ဘာလို့ရှိမနေခဲ့တာလဲ။ ငါအကြိမ်ကြိမ်ဖက်တွယ်ခဲ့တဲ့ ကြင်နာမှုကို ငါကဘာလို့ အသေလေးမွေးပေးလိုက်မိတာလဲ။ ငါ့အကြိမ်ကြိမ်ကိုးကွယ်ခဲ့တဲ့ သစ္စာတရားဟာ ဘာလို့ ငါ့အတ္တဖြစ်ခဲ့ရတာလဲ။ ၂၀၁၅ ခုနှစ် ဟာ သူ မမေးဖြစ်ခဲ့မျှမေးခွန်းတွေနဲ့ ကျုပ်ဆီကိုရောက်လာတယ်။ အဲ့ဒီအချိန်ကစပြီး မေးခွန်းတွေဟာ ကျုပ်အိပ်မက်ကို အနီရောင်အဆင့် စတင်တိုက်ခတ်တော့တာပဲ။ စက္ကူပန်းအကြွေတွေ ။ ဖွေးဖွေးလှုပ်လျှက် ။
နွေစကူး
မှားတယ်
မှားတယ်
အရမ်းမှားတယ်
အသံတွေဟာ ခြစ်ခြစ်တောက်ပူလောင်နေတယ်။ ငါတို့အကြိမ်ကြိမ်ပြောခဲ့တဲ့ ချစ်ခြင်းမေတ္တာဟာ ငါ့မသိခြင်းမှာ ဘာလို့ရှိမနေခဲ့တာလဲ။ ငါအကြိမ်ကြိမ်ဖက်တွယ်ခဲ့တဲ့ ကြင်နာမှုကို ငါကဘာလို့ အသေလေးမွေးပေးလိုက်မိတာလဲ။ ငါ့အကြိမ်ကြိမ်ကိုးကွယ်ခဲ့တဲ့ သစ္စာတရားဟာ ဘာလို့ ငါ့အတ္တဖြစ်ခဲ့ရတာလဲ။ ၂၀၁၅ ခုနှစ် ဟာ သူ မမေးဖြစ်ခဲ့မျှမေးခွန်းတွေနဲ့ ကျုပ်ဆီကိုရောက်လာတယ်။ အဲ့ဒီအချိန်ကစပြီး မေးခွန်းတွေဟာ ကျုပ်အိပ်မက်ကို အနီရောင်အဆင့် စတင်တိုက်ခတ်တော့တာပဲ။ စက္ကူပန်းအကြွေတွေ ။ ဖွေးဖွေးလှုပ်လျှက် ။
နွေစကူး
No comments:
Post a Comment