ဇော်သူရ
(၁)
ဟိုဘက်ကမ်းနဲ့ ဒီဘက်ကမ်းလား
ဟိုဘက်အခြမ်းနဲ့ ဒီဘက်အခြမ်းလား (နှင်းရယ်)
မဆုံနိုင်ခြင်းခံတွင်းဝမှာ
ကိုယ်တို့နှစ်ဦးအတူရပ်မိခဲ့ကြတယ်...။
(၂)
ပွက်ရည်မြင်နေတဲ့ ရင်ဘတ်ချော်စက်
စင်ထွက်မှာစိုးနေတယ်
လည်ချောင်းဟာ ရင်ဘတ်ကိုမြိုထားရ
မချိမဆန့်ကြီး.........................
ရင်ဘတ်တိုးထွက်လာပုံကြည့် ခလုတ်နှိပ်
မီးလုံးမှာ ဝေဒနာတွေလင်းတတ်လာသလို
မချိမဆန့်ကြီး.........................
ပိန်ရှည်ရှည် ဓာတ်တိုင်မှဝေဒနာအသီးအပွင့်အား
အားလုံးမြိန်ရေယှက်ရေလင်းပါ၊
အရေပြားမွေးညှင်းလေးတွေက စိမ့်ထွက်လာတာအချစ်
တံဆက်မြိတ်က ပျင်းရိရေစက်တွေကအချစ်
လမ်းမပါးပြင်ကို အရှိန်ပြင်းပြင်းနမ်းရှုပ်သွားတဲ့
ကားဘီးတွေဟာအချစ်. . . . .
ထုထည်မရှိပေမယ့် ကန်ရေကိုရှက်သွေးဖြာ
လှိုင်းတွန့်သွားစေတာ အချစ်
အားလုံးဟာ .... ...နှင်းအတွက်အချစ်ဖြစ်ခဲ့တယ်။
(၃)
ကိုယ်ကရီရယ်လစ်ဇင်လူ
အရေပြားပေါ်ကတတ်တူးတွေ အလိုမရှိရင်
အချိန်မရွေးဖျောက်နိုင်စွမ်းတဲ့ ...ခေတ်
အတွင်းနှလုံးသားမှာ ဘာဆေးမှမပါရေးထိုးထားတဲ့
(နှင်း) အမည်ကိုဖျောက်နိုင်စွမ်းမရှိတာလည်းခေတ်
ပုံရိပ်တွေ
စုတ်ချက်ကြမ်းကြမ်း ဆေးသားရဲရဲ
အမှန်တရားအတွက် နှစ်ဦးလုံးနံရံကိုခေါင်းနဲ့ဆောင့်တယ်
စာမျက်နှာတွေပေါ်မျက်ရည်တွေပေလို့
ပါရီမြို့ကြီးကုန်းရုန်းထလာ ကိုယ့်ကိုကြိုဖို့တဲ့
ကိုယ့်နှုတ်ခမ်းဖျားမှာ နှုတ်ဆက်ခဲ့ပါတယ်ကိုရွတ်
ရထားတစ်စီးထွက်သွားတယ်........၊
တစ်ခါတစ်လေညကိုငေးရီကြည့်ရတဲ့ ဆိတ်ဖလူးပန်းလေးဟာ
ကိုယ်ပေါ့.. .... ...
ရန်ကုန်မြို့ရဲ့ညဆိုင်းဘုတ်တွေလို အချိန်မတန်မချင်း
ကိုယ့်မှာလင်းခွင့်မရှိ... .....
(အရှင်ဘုရား)
နောက်ဘ၀ကိုသနားသဖြင့်ပေးတော်မူပါ၊
နှစ်ဦးဆုတောင်းသံဟာ လေထဲမှာဆုံလို့
ညဟာငယ်သံပါအောင်အော်ငိုခဲ့ရတယ်။
(၄)
ကိုခင်ဝမ်းအတွက် ဆရာချော (မောင်ချောနွယ်)ရွတ်သလို
ရန်ကုန်မှာမိုး
မန်းလေးမှာနွေ
ပြည်မှာဆောင်းပါ .....သူငယ်ချင်းတဲ့
ကိုယ့်အတွက်ကတော့ နှင်း.ပေါ့ကွယ်
နှင်းဟာသပ်ရိုက်ထားသလို
ကိုယ့်နာမ်မှာတွယ်ကပ်လို့ ... ..ဧရာဝတီလို
ကိုယ်အားကောင်းမောင်းသန်ဆက်စီးဦးမယ်
ကိုယ်ဟာ.နှင်းနဲ့ပတ်သတ်ရင်
ဒီကူနင်း ၊ ဖရန့်ကလိုင်း ၊ ဂျက်ဆန်ပေါလ်လော့ခ်
တစ်ခြားသူအတွက်ဆို
ကိုယ်ဟာ နိသျှေး....အဟောင်းအမြင်းပဲ
ခပ်ပါးပါးမူးရစ်ရီဝေတဲ့ ညရဲ့ကြယ်မှုန်ကြယ်မွှား။
(၅)
အော်မြည်လိုက်စမ်း
ဝုန်းဆိုကြယ်တစ်လုံး ထိုးကျလာ
ရင်ဘတ်တည့်တည့်ကြီးဟ.. ရင်ဘတ်ဟာမဆံ့တော့ဘူး
အခန်းကျဉ်းနဲ့လည်း မဆံ့တော့ဘူး
အရက်ပုလင်းမှာလည်း မဆံ့တော့ဘူး
စီးကရက်ဗူးခွံမှာလည်း မဆံ့တော့ဘူး
မ..ဆံ့...တော့........... ...ဘူး
စမ်းချောင်းဟာ ၀တ်ကျေတန်းကျေစီးခဲ့
ဒီနာမည်ရွတ်ရုံနဲ့ အရေပြားတွေလိပ်တတ်လာပုံကိုကြည့်စမ်း
မှတ်တိုင်မှာကားစောင့်လူအုပ်ကြီးလို
ငါ့ကိုကော်ဖီတိုက်ပါ
သေဖို့လိုအပ်နေတဲ့အတွက် ကော်ဖီတိုက်ပါ။
(၆)
ဆုတောင်းရအောင်
လက်အုပ်မချီပဲ ဆုတောင်းရအောင်
ကိုယ့်လက်ကို ကိုင်ပါ
ကိုယ်ရွတ်သလို ရွတ်ပါ..... . .
ပြီးမှလက်ထပ်ပွဲကိုသွားပေါ့
ကိုယ်ဆုတောင်းမယ် kampai (ခန်းပိုင်)
ကိုယ်ပျော်ပါတယ် ကိုယ်ပြုံးပုံကြည့်လိုက်နှင်း
နှုတ်ခမ်းသားလှိုင်းတွေလူးလို့ ၊လိမ့်လို့
မြစ်ဟာစာအုပ်တစ်အုပ်သယ်ဆောင်ရင်းခရီးထွက်ခဲ့ပြီ၊
မြစ်ဟာမမောဘူး ၊ မငိုတော့ဘူး...
ခိုင်မာမျက်နှာပြင်ပေါ်မှာ သယ်ဆောင်နိုင်သမျှသယ်ဆောင်
မြစ်ဟာခရီးထွက်ခဲ့ပြီ(...........................)
ဘယ်သူတွေပြောပြော နှလုံးသားတစ်ခုရတယ်
ဘယ်လောက်ဝေးဝေး နီးခဲ့တယ်
ဘယ်လိုဖျက်ဖျက် မြဲခဲ့တယ်......
ကျေနပ်တယ် အဖန်ငါးရာကျေနပ်တယ်
ဖွဖွလေး လည်ချောင်းထဲကအလုအယက်တိုးထွက်လာ
စကားလုံးများ နှင်းကိုချစ်တယ်....၊
မျက်စိအနားသတ်ရာ လွင်ပြင်ဆန်ရင်ဘတ်များ
ခိုင်မာစိတ်တောင်တန်းများ မိုးမလုံခေါင်မိုးကောင်းကင်ပြာ
အားလုံးဟာနှင်းကြောင့်ဖြစ်ခဲ့တယ်။။
(၇)
မာယာကော့ဗ်စကီးဟာ မာရီယာအတွက်
ဘောင်းဘီဝတ်မိုးတိမ်ကို သီခဲ့တယ်
ဒါက.........
နှင်းအတွက် ကိုယ့်ရဲ့
နှင်းဒိုင်ယာရီ ။ ။
ဇော်သူရ
No comments:
Post a Comment